MINISTRY OF HEALTH

မောက်မယ်မြို့၊ ၂၀၂၀ပြည့်နှစ်၊ ဇူလိုင်လ (၂၄)ရက်

     ရှမ်းပြည်နယ်(တောင်ပိုင်း) လင်းခေးခရိုင်၊ မောက်မယ်မြို့၊ မြို့နယ်ကုသရေးနှင့် ပြည်သူ့ကျန်းမာရေးဦးစီးဌာနမှူး၏ ဦးဆောင်မှုဖြင့် အခြေခံပညာ အထက်တန်းကျောင်းတွင် COVID-19 နှင့်ပတ်သက်၍ ကျန်းမာရေး ပညာပေးခြင်းကို ဇူလိုင်လ ၂၃ ရက်နေ့တွင် ကွင်းဆင်းဆောင်ရွက်ခဲ့ပါသည်။ ရှေးဦးစွာ မြို့နယ်ကုသရေးနှင့် ပြည်သူ့ကျန်းမာရေးဦးစီးဌာနမှူး ဒေါက်တာ မြမြသန်းက စာသင်ကျောင်းများတွင် လိုက်နာရန်အချက်များ ၊ မိဘများနှင့် ပညာရေးဝန်ထမ်းများ လိုက်နာရန်အချက်များကို ညွှန်ကြားချက်များနှင့်အညီ ဆောင်ရွက်ကြရန်၊ အလယ်တန်းနှင့် မူလတန်းများ ဆက်လက်ဖွင့်လှစ်နိုင်ရန် ပိုမိုကောင်းမွန်အောင် ဆောင်ရွက်ပေးကြရန်နှင့် ကျောင်းတွင်းကြီးကြပ်မှု ညွှန်ကြားချက်များနှင့် အပတ်စဉ်စစ်ဆေးခြင်း၊ ရှောင်တခင် စစ်ဆေးခြင်း လုပ်ငန်းများကိုလည်း ဆက်လက်ဆောင်ရွက် ပေးသွားမည်ဖြစ်ကြောင်း ပြောကြားပါသည်။ ဆက်လက်ပြီး ကျန်းမာရေးဝန်ထမ်းများမှ ကျောင်းသူကျောင်းသားများအား စနစ်တကျ လက်ဆေး နည်း၊ Mask တပ်နည်းများ ပညာပေးဟောပြော လေ့ကျင့်သင်ကြား ပေးခဲ့ကြပါသည်။