ဆင်ခြေထောက်ရောဂါ ကာကွယ်ဆေးတိုက်ကျွေးသည့်နေရာများသို့ နေပြည်တော်ပြည်သူ့ကျန်းမာရေးဦးစီးဌာနမှူး ကွင်းဆင်းကြီးကြပ်
နေပြည်တော်၊ ၂၀၂၀ ပြည့်နှစ်၊ ဇူလိုင်လ (၁၃) ရက်
ပြည်ထောင်စုနယ်မြေ၊ နေပြည်တော်ပြည်သူ့ကျန်းမာရေးဦးစီးဌာနမှူး၊ ဒုတိယညွှန်ကြားရေးမှူးချုပ် ဒေါက်တာမြတ်ဝဏ္ဏစိုး ဦးဆောင်သောအဖွဲ့သည် ဆင်ခြေထောက်ရောဂါ ကာကွယ်ဆေး တိုက်ကျွေးနေသည့် အခြေခံကျန်းမာရေးဝန်ထမ်းများအား သွားရောက်ကွင်းဆင်းကြီးကြပ်၍ အားပေးစကားပြောကြားခဲ့ပါသည်။
%2F&hash=a6a1c319429b7abc0a8e21dc137ab33930842cf5&fileName=13-7-20_Npt_MDA.jpg)
ဒုတိယညွှန်ကြားရေးမှူးချုပ်သည် ကာကွယ်ဆေးတိုက်ကျွေးနေသည့် အခြေခံကျန်းမာရေး ဝန်ထမ်းများအား ဆေးတိုက်ကျွေးမည့်သူများကို စနစ်တကျနားလည်အောင်ရှင်းပြပေး၍ တိုက်ကျွေးစေရန်နှင့် တိုက်ကျွေးမည့်သူများ ကျန်လပ်ခဲ့ခြင်းမရှိအောင်ဆောင်ရွက်သွားရန်၊ မိုးထဲလေထဲတိုက်ကျွေးနေရခြင်း၊ COVID-19 ရောဂါကာကွယ်ရေးလုပ်ငန်းများ ဆောင်ရွက် နေရသည့် အချိန်လည်းဖြစ်နေခြင်းကြောင့်ပင်ပန်းနေသည်ကိုလည်း နားလည်ခံစားပေးနိုင် ပါကြောင်း၊ မဖြစ်မနေလုပ်ဆောင်ရမည့်လုပ်ငန်းဖြစ်သည့်အတွက် ထပ်မံကြိုးစားဆောင်ရွက် သွားရန် အားပေးတိုက်တွန်းစကားပြောကြားခဲ့ပါသည်။
Author: MOHS-Admin
Last modified on Monday, 13 Jul 2020