ကမာရွတ်မြို့နယ်အတွင်းရှိ အခြေခံကျောင်းများတွင် သွေးလွန်တုပ်ကွေးရောဂါ ကြိုတင် ကာကွယ်နိုင်ရေးအတွက် Larva Control ပြုလုပ်ဆောင်ရွက်ခြင်း
ရန်ကုန်၊ ၂၀၂၀ ပြည့်နှစ်၊ ဇူလိုင် ၃ ရက်
ရန်ကုန်တိုင်းဒေသကြီး၊ အနောက်ပိုင်းခရိုင်၊ ကမာရွတ်မြို့နယ်အတွင်းရှိ အခြေခံကျောင်းများ၌ သွေးလွန်တုပ်ကွေးရောဂါ ကြိုတင်ကာကွယ်နိုင်ရေးအတွက် ၂၀၂၀ ပြည့်နှစ်၊ ဇူလိုင်လ (၃) ရက်နေ့ ၊ နံနက် (၉:၀၀) နာရီမှစတင်၍ အ.လ.က(၂)၊ အ.မ.က(၁၁)၊ အ.မ.က(၁၅) နှင့် မြို့မဂုဏ် ကိုယ်ပိုင်အထက်တန်းကျောင်းတို့တွင် ဖုံး၊ သွန်၊ လဲ၊ စစ် ပြုလုပ်ခြင်း၊ Abate ဆေးခတ်ခြင်းများ၊ ပတ်ဝန်းကျင် သန့်ရှင်းရေးလုပ်ငန်းများအား ကွင်းဆင်း ပြုလုပ်ဆောင်ရွက်ခဲ့ကြပါသည်။ အဆိုပါလုပ်ငန်းစဉ်အား ကမာရွတ်မြို့နယ် ပြည်သူ့ကျန်းမာရေးဦးစီးဌာနမှူး ဒေါက်တာသင်းသင်းနိုင်၏ လမ်းညွှန်မှုဖြင့် ကျောင်းကျန်းမာရေးအဖွဲ့မှ မြို့နယ်သူနာပြုဆရာမကြီး ဒေါ်ခိုင်ခိုင်မိုး၊ သူနာပြု ဒေါ်နန်းယဉ်နွယ်ဝင်းနှင့် အမျိုးသမီးကျန်းမာရေးဆရာမ ဒေါ်စန္ဒာဦးတို့နှင့်အတူ ပညာရေးမိသားစုမှ ကျောင်းအုပ်ကြီးများ နှင့်တာဝန်ရှိသူများ လိုက်ပါဆောင်ရွက်ခဲ့ကြပါသည်။
%2F&hash=a6a1c319429b7abc0a8e21dc137ab33930842cf5&fileName=3-7-2020_YGN_DHFKMTSchool.jpg)
Author: MOHS-Admin
Last modified on Friday, 03 Jul 2020