ပေါင်မြို့နယ်၊ မြို့ပေါ်ရပ်ကွက်များနှင့် ဥတ္တံတားကျေးရွာတွင် သွေးလွန်တုပ်ကွေးရောဂါ ကာကွယ်ထိန်းချုပ်ရေး လုပ်ငန်းများ ဆောင်ရွက်ခြင်းနှင့် အသိပညာပေးရှင်းလင်း ဆွေးနွေးခြင်းများ ဆောင်ရွက်
ပေါင်မြို့၊၂၀၂၀ပြည့်နှစ်၊ဇူလိုင်လ(၄)ရက်
ပေါင်မြို့နယ်တွင် သွေးလွန်တုပ်ကွေးရောဂါ ဖြစ်ပွားမှုများပြားလာသည့်အတွက် ဇူလိုင်လ(၄)ရက်နေ့တွင် ဒုတိယပြည်နယ် ပြည်သူ့ကျန်းမာရေးဦးစီးဌာနမှူး(ရောဂါနှိမ်နင်းရေး)ဦးဆောင်၍ ပြည်နယ်(ရ.ပ.က.န)အဖွဲ့နှင့် မြို့နယ်ပြည်သူ့ကျန်းမာရေးဦးစီးဌာနမှ ဝန်ထမ်းများ၊ ဒေသအာဏာပိုင်များ၊ စေတနာ့ဝန်ထမ်း အဖွဲ့အစည်းများမှ အဖွဲ့ဝင်များ ပူးပေါင်း၍ သွေးလွန်တုပ်ကွေး ရောဂါ အဖြစ်များသော မြို့ပေါ်ရပ်ကွက်များနှင့် ဥတ္တံတားကျေးရွာတို့တွင် ခြင်လောက်လန်းနှိမ်နင်းရေး (ဖုံး၊သွန်၊တိုက်ချွတ်၊လဲ ၊စစ်)နှင့် ပတ်ဝန်းကျင် သန့်ရှင်းရေး လုပ်ငန်းကို အိမ်ခြေ (၁၅၀၀)၊ လူဦးရေ (၉၃၅၀) အား ဆောင်ရွက်ခြင်းဖြင့် ရောဂါထိန်းချုပ်ရေး လုပ်ငန်းများ ဆောင်ရွက်ခဲ့ပါသည်။
%2F&hash=a6a1c319429b7abc0a8e21dc137ab33930842cf5&fileName=4-7-20_MON.jpg)
ထို့နောက်ဒုတိယပြည်နယ် ပြည်သူ့ကျန်းမာရေးဦးစီးဌာနမှူး (ရောဂါနှိမ်နင်းရေး) ဒေါက်တာသံလွင်အောင်နှင့် ပေါင်မြို့နယ် ပြည်သူ့ကျန်းမာရေးဦးစီးဌာနမှူး ဒေါက်တာခင်မောင်ကြည် တို့သည် ပေါင်မြို့နယ် ပြည်သူ့ကျန်းမာရေးဦးစီးဌာန၊ အစည်းအဝေးခန်းမတွင် မြို့နယ်အတွင်းရှိ ပြင်ပဆေးကုခန်း ဆရာဝန်များ၊ စေတနာ့ဝန်ထမ်းအဖွဲ့တာဝန်ခံများ စုစုပေါင်း (၄၈)ဦးနှင့် တွေ့ဆုံ၍ သွေးလွန်တုပ်ကွေးရောဂါ ကာကွယ်နှိမ်နင်းရေး လုပ်ငန်းများတွင် ပါဝင်ဆောင်ရွက် ရမည့်လုပ်ငန်းများကို ရှင်းလင်းဆွေးနွေး ခဲ့ကြသည်။
Author: MOHS-Admin
Last modified on Saturday, 04 Jul 2020