လှိုင်းဘွဲမြို့၊ မြိုင်ကြီးငူအထူးဒေသတွင် သွေးလွန်တုပ်ကွေးရောဂါ ကာကွယ်နှိမ်နင်းရေးလုပ်ငန်းများ အရှိန်အဟုန်မြှင့်ဆောင်ရွက်
လှိုင်းဘွဲမြို့၊ (၂၀၂၀) ပြည့်နှစ်၊ မေလ (၃၁) ရက်
ကရင်ပြည်နယ်၊ ပြည်သူ့ကျန်းမာရေးဦးစီးဌာနမှူး၏လမ်းညွှန်မှုဖြင့် ပြည်နယ်ရပကနအဖွဲ့၊ မြို့နယ်ကျန်းမာရေးဦးစီးဌာနနှင့် ပြည်သူလူထုများ ပူးပေါင်း၍ ၂၀၂၀ ပြည့်နှစ်၊ မေလ (၃၁) ရက်နေ့တွင် ကရင်ပြည်နယ်၊ လှိုင်းဘွဲမြို့၊ မြိုင်ကြီးငူအထူးဒေသ၌ သွေးလွန်တုပ်ကွေး ရောဂါကာကွယ်နှိမ်နင်းရေး လုပ်ငန်းများကို ဆောင်ရွက်ခဲ့ကြသည်။
%2F&hash=a6a1c319429b7abc0a8e21dc137ab33930842cf5&fileName=31-5-20_Kayin_Dangue.jpg)
ရေများသိုလှောင်ထားသော ရေစည်ရေပုံးများ၊ စဥ့်အိုးများ၊ရေကန်များထဲတွင်ပိုးလောက်လန်းများ ရှင်သန်ပေါက်ပွားခြင်းမရှိစေနိုင်ရန် တိုက်ချွတ်ဆေးကြောခြင်း၊ အဘိတ်ဆေးခပ်ခြင်းကို ပြုလုပ်ခဲ့ပါသည်။ ထို့အပြင်နေအိမ်ပတ်ဝန်းကျင်ရှိ အိုး၊ ခွက်၊ ဝါးဆစ်ခေါင်း၊ ကားတာယာ စသည့် ရေတင်ကျန်နိုင်သောအရာများကို ဖုံး၊ သွန်၊ လဲ၊ စစ်လုပ်ငန်းများ ပြုလုပ်ခြင်း၊ သွေးလွန်တုပ်ကွေးဖြစ်ပွားသော လူနာနေအိမ်နှင့် ပတ်ဝန်းကျင်အား ခြင်သက်ကြီးကောင် နှိမ်နင်းခြင်းများကိုလည်း ပြုလုပ်ပေးခဲ့ကြသည်။
Author: MOHS-Admin
Last modified on Sunday, 31 May 2020